១០យ៉ាងតែហ៊ានធ្វើនៅកន្លែងធ្វើការ អាចអាប់ឱនកិត្តិយស ឬត្រូវមេដេញចោលឆាប់ៗ

2018-01-29 04:52:54
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លែងធ្វើការគឺមិនមែនជាផ្ទះឯកជនឡើយ ដូច្នេះរាល់ទង្វើដែលសម្ដែងចេញមកគូរប្រយ័ត្នប្រយែង ដើម្បីកុំឲ្យគេងាយវាយតម្លៃយើង។ ទោះនៅក្នុងការងារអ្នកមានតំណែងជាអ្វីក៏ដោយ ក៏ត្រូវចៀសឲ្យឆ្ងាយពី ទង្វើទាំង១០ យ៉ាងនេះ នៅកន្លែងធ្វើការ ព្រោះវាអាចធ្វើឲ្យអ្នក អាប់អោនខ្លាំង និងខូចក្រេឌីតផងដែរ។ ទង្វើដប់យ៉ាងមានដូចជា៖

១. លើកទូរស័ព្ទផ្ទាល់ខ្លួននិយាយគំរោះគំរើយ

ទោះនៅផ្ទះមានរឿងតប់ប្រមល់ និងក្ដៅក្រហាយយ៉ាងណា នៅក្រុមហ៊ុន គួរចេះទប់អារម្មណ៍ពេលលើកទូរស័ព្ទនិយាយ។ កុំនិយាយគំរោះគំរើយ ឬទ្រគោះបោះបោកទោះជារឿងនៅផ្ទះក៏ដោយ។ យ៉ាងហោចណាស់គូរដើរចេញក្រៅនិយាយ ដើម្បីកុំឲ្យគេវាយតម្លៃយើងបាន។

២. និយាយដើមគេ

កុំនិយាយដើម ឬ អេចអូចគេច្រើន ព្រោះមិនថាព័ត៌មានអ្វីទេ មិនបានធ្វើឲ្យអ្នកមើលទៅល្អឡើយ។

៣. លេងបណ្ដាញសង្គមក្នុងម៉ោងធ្វើការ

ត្រូវដឹងខ្លួនថា អ្នកដាក់ពាក្យមកធ្វើការ ដើម្បីដូរយកប្រាក់ខែ មិនមែនយកប្រាក់ខែមកលេង ហ្វេសប៊ុក ឬបណ្ដាញសង្គមនានានោះទេ។ ដូច្នេះគូរឈប់ ឬកាត់បន្ថយឲ្យបានច្រើន។

៤. កុហកដើម្បីឲ្យខ្លួនឯងល្អ

ក្នុងបទសម្ភាសន៍ការងារ ឬកំឡុងពេលធ្វើការជាដើម កុំកុហកមេ ឬ សន្យាខ្យល់ ព្រោះក្រោយមកមេនិងរកឃើញការពិត ហើយអ្នកនឹងអស់តម្លៃ ហើយអាប់អោនធ្ងន់ធ្ងរ។

៥. មកធ្វើការទាំងឈឺធ្ងន់

មេប្រាកដ ជាដឹងថាអ្នកជាបុគ្គលិកប្រឹងប្រែងមួយរូប តែអ្នកមិនចាំចាច់ដល់ថ្នាក់ឈឺធ្ងន់ហើយមកធ្វើការនោះទេ។ ព្រោះមេក៏មិនចង់ឲ្យអ្នកដទៃទៀតឆ្លងជំងឺពីអ្នកដែរ។

៦. កុំស្រលាញ់គ្នានៅកន្លែងធ្វើការ

សេចក្ដីស្រលាញ់គឺខ្វាក់ភ្នែក និងពិបាកហាមចិត្ត។ តែយ៉ាងណា បើអ្នកយកការងារជាធំ គួរណាស់គ្រប់គ្រងអារម្មណ៍ដោយមិនត្រូវទាក់ទងស្នេហាជាមួយមេកើយ ឬអ្នកធ្វើការជាមួយគ្នានោះទេ។ ព្រោះដើម្បីចៀសវាងរឿងអាស្រូវផ្សេងៗក្នុងកន្លែងធ្វើការងារ ហើយការមានស្នេហាទៀតសោតធ្វើឲ្យការងារអន់ខ្សោយផងដែរ ងាយនឹងគេវាយតម្លៃ។

៧. កុំផ្ដល់ចម្លើយពេលអ្នកកំពុងខឹង

អ្នកនឹងសម្រេចចិត្តមិនបានត្រឹមត្រូវទេពេលដែលអ្នកខឹង។ ម៉្យាងទៀតបើសម្រេចចិត្តថ្លោះធ្លោយ អ្នកនឹងត្រូវគេវាយតម្លៃដោយសារកំហឹងមួយពេលនោះ។

៨. លេងសើចច្រើនម៉ោងធ្វើការ

ពេលខ្លះការលេងសើចនោះរំខានដល់អ្នកដទៃដែលគេមិនចូលចិត្ត ហើយវាអាចជះឥទ្ធិពលមិនល្អ ដល់ការងាររបស់អ្នក។ ព្រោះអ្នកដទៃនោះនឹងយល់ថាអ្នកធ្វើការងារខ្ជីខ្ជាដោយសារលេងសើចច្រើន។

៩. មកធ្វើការទាំងនៅស្រវឹង

គួរចេះលៃពេលញ៉ាំគ្រឿងស្រវឹង មិនត្រូវឲ្យគេចាប់បានទេ ថាអ្នកមកធ្វើការទាំងនៅស្រវឹង ព្រោះវាប៉ះពាល់កេរ្តិ៍ឈ្មោះ ដែលធ្វើឲ្យអ្នកមើលទៅខ្វះទំនួលខុសត្រូវ។

១០. ធ្វើឬកពារស្រណុកពេកនៅកន្លែងធ្វើការ

មនុស្សអាចវាយតម្លៃអ្នកតាមកាយវិការដូចគ្នា ជាពិសេសក្នុងកន្លែងធ្វើការតែម្ដង។ ជៀសវាងក្រាបលើតុ ដេក ឬដាក់ដៃដាក់ជើងច្រងេងច្រងាង តាមតែស្រួលខ្លួន ព្រោះធ្វើឲ្យអ្នកដទៃមិនចូលចិត្តអ្នក។

https://www.inc.com/kevin-daum/25-things-you-should-never-do-at-work.html

ប្រភព៖ kanha ប្រែសម្រួល៖ pkhen

អត្ថបទពេញនិយម

អត្ថបទថ្មី

ហេតុផល ៧ យ៉ាងបញ្ជាក់ថាស្នេហាលើកទី ២ ជោគជ័យជាងស្នេហ៍គ្រាដំបូង

អញ្ចឹងតើបានសម្រកខ្លាញ់ក្បាលពោះមិនស្រកសោះ!

ចង់ប្រាប់ថា «អត់ស្រឡាញ់ទេ» តែដូចត្រង់ពេក មានវិធីអីល្អ?

ស្រីៗចង់បានក្រចកដុះលឿន វែង និងរឹងមាំ ១០ វិធីនេះអាចជួយបាន

ជឿទេថាកាយវិការងាយៗទាំងនេះអាចបំបាត់ស្ត្រសត្រឹម២នាទីប៉ុណ្ណោះ?

ក្លិនមាត់មិនល្អធ្វើដូចម្តេច?

ប្រជ្រុយ ៦ កន្លែងលើខ្លួនមនុស្សស្រីឆ្វាក់បុរស និងនាំសំណាងបំផុត