ពាក្យសរសើរទាំង ៥ ប្រែជាការបំផ្លាញកូនស្រីនៅពេលគេធំដឹងក្ដី
- 2017-08-25 02:45:17
- ចំនួនមតិ 0 | ចំនួនចែករំលែក 0
ពាក្យសរសើរទាំង ៥ ប្រែជាការបំផ្លាញកូនស្រីនៅពេលគេធំដឹងក្ដី
ចន្លោះមិនឃើញ
ពាក្យពេចន៍ខ្លះដែលអ្នកម្ដាយតែងសរសើរកូនស្រី មិនប្រាកដថាល្អទាំងអស់នោះទេ។ ដូចពាក្យសម្ដីទាំង ៥ ឃ្លាខាងក្រោមនេះដែរ វានឹងក្លាយទៅជាការបំផ្លាញកូនស្រីនៅពេលពួកគេធំដឹងក្ដីទៅវិញ៖
១.«កូនជាក្មេងស្រីដ៏ល្អ»
ការប្រព្រឹត្តរបស់កូនក្មេងមិនគួរឲ្យម្ដាយឪពុកនិយាយពាក្យសរសើរបែបនេះទៅកូនឡើយ។ តែគួរប្រើសម្ដីថា «កូនធ្វើបានល្អណាស់ ហើយគួរតែព្យាយាមបន្តសកម្មភាពក្រោយៗឲ្យបានល្អជាងនេះទៀត»។ បែបនេះទើបកូនស្រីអាចអភិវឌ្ឍខ្លួនបានល្អទៅៗ។
២.ពាក្យសរសើរក្លែងក្លាយ «វ៉ោវ!កូនពិតជាល្អខ្លាំងណាស់»
ជាម្ដាយឪពុកគេគួរតែដឹងថា ការសរសើរកូនដោយពាក្យមិនពិត គឺជារឿងដ៏ខុសឆ្គងខ្លាំងបំផុត ព្រោះពួកគេអាចទម្លាប់ខ្លួនធ្វើដដែល។ គួររកឃ្លាផ្សេងមកនិយាយវិញ ពេលគេធ្វើមិនទាន់បានល្អ ដោយមិនឲ្យបាក់ទឹកចិត្ត។
៣.«កូនស្អាតបែបនេះ នឹងមានក្មេងប្រុសៗតាមស្រលាញ់ច្រើន»
ជាដំបូងចង់ប្រាប់ទៅអាណាព្យាបាលក្មេងស្រីៗទាំងអស់ថា នាងស្ថិតនៅវ័យក្មេងណាស់ចំពោះរឿងបែបនេះ មិនគួរប្រាប់ឲ្យកូនដឹងទេ បើទោះជាមានកូនស្រីស្អាតប៉ុណ្ណាក៏ដោយ។ ផ្ទុយទៅវិញត្រូវបង្រៀននាងឲ្យក្លាយជាមនុស្សដែលសុភាពរាបសារ និងជាទីរាប់អានរបស់ក្មេងៗដទៃ។
៤.«កូនរៀនពូកែជាងសិស្សស្រីដទៃ»
ឃ្លាសរសើរបែបនេះ នឹងធ្វើឲ្យកូនស្រីអ្នកធំឡើងជាមនុស្សក្រអឺតក្រទម ហើយគ្មាននរណាស្រលាញ់រាប់អានទៅវិញទេ។ ព្រោះគេខំប្រឹងយកឈ្នះលើមិត្តភ័ក្ដិស្រីៗរបស់ពួកគេ។
៥.«កូនគួរឲ្យស្រលាញ់បំផុត នៅពេលខឹង»
ក្មេងស្រីៗនឹងចេះតែខឹងគ្រប់ពេល ព្រោះគេចង់ក្លាយជាមនុស្សគួរឲ្យស្រលាញ់ដូចពាក្យម្ដាយឪពុកគេសរសើរ ហើយគេមិនអាចមានភាពរីករាយ ឬមានទឹកមុខស្រស់ស្រាយឡើយ៕
ចុចអាន៖ទម្លាប់ចិញ្ចឹមកូនបែបនេះ ថ្ងៃក្រោយកុំបន្ទោសថាកូនពិបាកប្រដៅ
© រក្សាសិទ្ធិគ្រប់យ៉ាងដោយ Quantum News ឆ្នាំ២០២៥
អាសយដ្ឋាន
N/A
Quantum Tech News
